圓山台灣料理 (已結業)

香港好少有好大间嘅台湾菜馆, 通常都系台式小食店或餐厅, 今次去左食呢间台湾菜馆有2层, 主打台湾菜但同香港嘅酒楼一样咁大, 好适合一家大细, 带埋长辈去都完全无问题!前菜凉盘叫左台式盐水鸭, 份量都几多, 第一次食冻嘅鸭, 叫得盐水鸭, 味道就真系几咸下, 个人觉得如果配埋饭or面一齐食就唔错喇!食台湾菜当然要食蚵仔煎, 呢度嘅蚵仔煎同我平时喺台湾夜市食嘅有少少唔同, 出面系煎蛋入面包住蚝仔, 食落有少少似潮州蚝饼, 都几特别!炒海瓜子: 其实即系炒砚, 食落都几入味仲有少少辣, 同来送饭就一流!台式肉燥饭, 佢地有两种比我地拣, 一种系鲁肉碎粒, 另一种就系一大旧肉咁, 我地就拣左肉粒, 食落都几似台湾食到嘅鲁肉饭, 鲁水味都几重同埋几多油(觉得台湾鲁肉饭就系多油嘅!), 不过一碗嘅份量唔算太多, 一个人食就岩岩好!台式担仔面, 呢个唔算太推介因为成碗面好油下味道唔太似台湾食到嘅, 同埋份量都几少, 一个人食都未必够!炒A菜 即系香港嘅油麦菜, 蒜蓉清炒油麦菜觉得有少少太油, 不过食落都几爽菜几新鲜!三杯鸡, 本身以为系辣嘅三杯鸡点知我话唔食得太辣所以佢地无落到太多辣椒, 鸡肉唔算