Santorini Greek Restaurant

营业中

休息中

餐厅位于中环，距离地铁站有少许远， 不过胜在环境清幽，坐得舒服。 夜晚过嚟𠮶时仲会点上蜡烛，都几浪漫， 啱晒情侣。Dip Sampler个摆盘非常之好睇四种唔同嘅酱用四种颜色嘅瓷器载住， 好有仪式感。 四种酱都系带少少味酸味 ， 配上薄烤饼， 食落开胃惹味。 我个人最钟意就系乳酪𠮶只酱， 食落酸酸地又带有牛奶本身𠮶种香醇嘅奶香味。 极力推介大家点呢个菜做开胃前菜。grilled octopus八爪鱼原条触须上， 食落有惊喜。吸管部分脆脆可口， 触须部分肉质有少少似鸡肉， 食落一丝丝咁，少咗八爪鱼平时觉得好韧嘅𠮶种感觉， 非常特别。greek yogurt希腊乳酪味道浓郁顺口， 同一般食落嘅乳酪质地好唔同， 入口就感受到佢醇厚嘅乳脂系口腔中流动， 带有一丝天然嘅酸味。 乳酪表面淋上微甜嘅杂莓酱， 啱啱好平衡到乳酪嘅酸味。chocolate volcano朱古力熔岩蛋糕，表面淋上少去朱古力酱，以薄荷叶作为点缀， 十分精致。 蛋糕切开瞬间，内里嘅朱古力酱就好似岩浆一样咁涌出嚟。 蛋糕入口即化，质地绵密。 朱古力酱嘅甜度亦恰到好处，唔会过腻， 食落感觉好幸福。Santorini' Pasta意