匠心廚房 (已結業)

匠心厨房位于香港尖沙咀人流最多既iSquare正对面。佢地美食如云，每道菜都同出面一般酒楼不尽相同。充满住自己特色。脆皮牛坑腩 $198 呢道脆皮牛坑腩非常有特色。酥脆嘅外皮包住嘅系浓郁嘅牛肉香味。口感独特得嚟又好食，唔止有外脆内软嘅感觉，仲可以品味到牛坑腩松软而有咬劲嘅口感。附上嘅酱汁微辣，好啱开胃。黄金脆豆腐 $68黄金脆豆腐每粒都香脆，外脆内软。食一粒，食一啖，都系一种享受。不过记得食快啲，唔系就变冻啦！黑松露虾球滑蛋 $198强烈建议大家食黑松露虾球滑蛋嘅时候叫碗白饭，因为真系太好𩠌饭喇！香气扑鼻嘅黑松露炒蛋已经好够味，再加上肉质鲜嫩嘅大只虾球，绝对系今晚最满意嘅一道菜。匠心海鲜炒饭 $168最后，就轮到主角登场啦！匠心海鲜炒饭，完全体现咗匠心厨房嘅匠心精神。每一粒米都炒得恰到好处，散发出匠人嘅用心，为食客带嚟最真诚嘅炒饭体验。