姚姚酸菜魚 (屯門市廣場2期) (已結業)

好中意食酸菜鱼！但要喺香港食到符合自己口味嘅酸菜鱼都唔系咁容易，姚姚酸菜鱼都算系其中一间会重复帮衬嘅。一年多无食，今次就约埋朋友黎左屯门分店食午餐。每次黎都系食酸菜鱼，今次就决定试下其他款式，叫左个蕃茄鱼。蕃茄鱼虽然话系二人份，但系份量超大！超大碗蕃茄鱼，入面嘅鱼肉份量都好慷慨。用左新鲜鲈鱼，鱼肉嫩滑鲜味，蕃茄汤底好浓厚香口，酸甜嘅汤底更加开胃！好中意入面有粉丝可以索下汤汁。另外午餐时段仲有多款性价比高嘅午市套餐提供，呢度竟然都食得到麻辣烫！麻辣烫套餐可以自选汤底、面底同埋3款海鲜/鲜肉同3款蔬菜。份量同样大得惊人！我拣左香浓麻辣汤，味道正宗对版，辣度亦恰到好处。配宽薯粉条口感烟韧。配料拣左肥牛、牛柏叶、鱼片头、莲藕、千叶豆腐、金菇，配料份量都俾到好足，好饱好满足！个套餐本身仲包埋手打柠檬茶，同埋三色冰粉用黎解辣！另外再单点多一份红豆乌龙冰粉，呢个比起套餐入面会大份好多，材料亦更丰富！不过乌龙冰粉同样好滑溜，乌龙茶香够晒突出。