影片
更多
2023-02-24
285 浏览
有朋友仔问香港区有冇啲坐得舒服又气氛好好嘅大排档嘢食，我最近同朋友仔食过一间喺铜锣湾嘅，感觉都唔错，可以推荐俾大家！呢间舖头位于铜锣湾谢斐道地舖，地点位置一流，约朋友食饭绝对唔使惊揾唔到。舖头主打各类型嘅港式大排档风味小炒，而且饮酒嘅话更加有战斗碗提供，同朋友饮返两杯真系啱晒！今次本身想同朋友仔嚟食佢哋嘅煲仔饭，不过因为生意太好卖晒嘅关系，所以我哋都叫咗其他小菜试吓。椒盐脆鲜鱿入口粉浆唔会好厚，而且肉质都好QQ一咬就断开，脆卜卜咁最啱就系送酒。拔丝咕噜肉系佢哋其中一个招牌菜式，佢哋将咕噜肉嘅酱汁炒到有丝嘅效果令到酱汁充分包裹住炸肉，咕噜肉嘅脂肪含量比较低，入口啖啖肉，亦都冇咁有罪恶感，值得一试。菜心炒牛肉嘅牛肉超大片，CP值极高，而且佢哋嘅菜心入口都好爽脆，送饭绝对一流。总括嚟讲呢间餐厅，我觉得质素都好好，好适合约埋三五知己一齐一路倾偈一路食，大家如果去开铜锣湾一定要试吓！
呢间舖头位于铜锣湾谢斐道地舖，地点位置一流，约朋友食饭绝对唔使惊揾唔到。舖头主打各类型嘅港式大排档风味小炒，而且饮酒嘅话更加有战斗碗提供，同朋友饮返两杯真系啱晒！
今次本身想同朋友仔嚟食佢哋嘅煲仔饭，不过因为生意太好卖晒嘅关系，所以我哋都叫咗其他小菜试吓。
椒盐脆鲜鱿入口粉浆唔会好厚，而且肉质都好QQ一咬就断开，脆卜卜咁最啱就系送酒。
拔丝咕噜肉系佢哋其中一个招牌菜式，佢哋将咕噜肉嘅酱汁炒到有丝嘅效果令到酱汁充分包裹住炸肉，咕噜肉嘅脂肪含量比较低，入口啖啖肉，亦都冇咁有罪恶感，值得一试。
菜心炒牛肉嘅牛肉超大片，CP值极高，而且佢哋嘅菜心入口都好爽脆，送饭绝对一流。
总括嚟讲呢间餐厅，我觉得质素都好好，好适合约埋三五知己一齐一路倾偈一路食，大家如果去开铜锣湾一定要试吓！
张贴
