同心泰國菜館

营业中

休息中

九龙城食泰国野就最出名。唔知大家食开边间，我就食过几间始终都系同心最平！靓！正！老板同店员都系泰国人！今日我地四个人，叫左几个𩠌。先系炒芥兰。佢用红椒炒，所以会有少少辣。之后就系蒜蓉包加配咖哩，蒜蓉包好香口，而且外边脆面包啖啖蒜蓉味。再配上充满椰香的咖哩。小食拼盘，分别有虾饼、春卷、鱼饼、仲有个丸（本来应该系香叶包鸡）。不过冇晒！如果第一次黎，一定要试下香叶包鸡。满满香叶味，而鸡系滑嫩。再叫多半份烧鸡，呢个就外脆内嫩，而且半份鸡都系啖啖肉。最后系一个虾酱炒饭，表面好似冇特别，但里面有好多虾、鱿鱼...配料好足！而且好香虾酱味。