丼瀛 (已結業)

临别依依，要揾间充满香港情嘅餐厅食饭，朋友钟情日本菜，最后决定拣呢度。💕未食已经被环境四周摄住了眼，连猪、连侬墙尽在不言中嘅回忆，听住喜欢嘅音乐进食，胃口大增。点了茶碗蒸、蟹肉卷、寿司杯、炸蚝、芝麻鸡翼、仲有炸豆腐。6样嘢食，两个人份量，应该够食，唔够先再加。每道菜上枱，侍应都会礼貌兼用心咁介绍菜名，呢份发自内心嘅殷勤，真系会令用餐感觉更愉快！🍥茶碗蒸($38/碗)：滑捋捋，咸淡度适中。🦪吉列广岛蚝($48)：蚝唔会太大只，炸浆亦唔厚，每人食两只都唔会觉得太滞、太油腻。🍣碎三文鱼松叶蟹肉卷($68)：每粒都四四方方，刚好一口食晒，口腔充满三文鱼油脂香，蟹肉嘅甜。🍗芝麻鸡翼($48)：炸得金黄，但仍保持到肉汁，入口香脆美味。🥢木鱼花炸豆腐($58)：侍应话可以点汁食，又或直接将酱汁淋上豆腐伴混食。前者食法仍保留到木鱼香脆口感，但豆腐未必能沾上酱汁；而后者将酱汁伴混食，起初担心会太浓味，但事实又唔会㖞，只不过真系会稍微减低了脆口度。🍱最后当然要讲埋超靓嘅寿司杯啦。“筑地寿司杯”($188)，刺身包括三文鱼、,碎葱吞拿鱼蓉、帆立贝、蟹肉蟹膏、黄金鱿鱼、甜虾。寿司杯极吸晴，完全配合到相机食先。