拉麵Jo

营业中

休息中

你话米芝莲推介日本嘅拉面店，真系一啲都唔出奇。但推介一间位于香港嘅拉面店，就知道呢间位于铜锣湾嘅拉面Jo一啲都唔简单。拉面Jo由居港嘅日本人主理，家族几代经营拉面店，所以拉面Jo除咗拉面仲有沾面，豚骨汤底之外仲有鸡白汤选择，每一款都充满惊喜，浓厚度满分。葱花牛舌牛舌薄切，不失爽口质感。加上大量香浓嘅葱花香味，大大提升牛舌嘅层次。鸡皮饺子一咬开饺子，鸡皮嘅鸡油随即爆出，虽然邪恶，但真系好好味呀！炸鸡软骨鸡软骨即叫即炸，非常香脆，加上惹味嘅调味，份量十足，食唔停口。特制低温叉烧拉面叉烧铺满整个碗边，爱吃肉肉的表示好兴奋。至于叉烧用低温煮理，肉质超嫩滑呢！至于拉面系幼面，挂上浓厚嘅酱油豚骨汤底，浓而不油，清香四溢。鸡白汤拉面超正！鸡白汤熬到劲creamy，汤色呈乳白色，鸡香味浓郁，明显落咗心机！拉面系用上粗面，软硬度啱啱好；至于配料嘅鸡胸，完全唔嚡口，竟然非常嫩滑，打破鸡胸一贯嘅形象。