十三少 (已結業)

今日同女友去左十三少位于西环既分店，门口俾人一种古色古香既感觉，至于餐厅入面装修简约阔落，卡位后面既屏风好靓😍十三少推出二人套餐，包括凉菜、主菜同小菜，另外加$28仲有红糖糍粑😍一坐低就有小食！- 凉拌土豆丝每条土豆丝都切得好薄，口感清脆，同时慢慢渗透一阵麻辣味，整体味道酸酸辣辣，非常开胃！- 十三少酸菜鱼配料款式几多，包括莴笋、鸡骴菇同芽菜。酸菜鱼汤用左两款酸菜熬制而成，酸味同麻辣兼备，而且酸中带鲜😍。酸菜全部系叶块并无粗茎，口感爽嫩，汤可谓鲜、酸、辣、香集于一身👍🏻鱼类方面，餐厅采用鲈鱼，鱼肉先拌入蛋白再煮，所以肉质非常滑溜，而且无骨可以大鱼大肉。- 干煸四季豆四季豆好大份，四季豆炒得好干身，唔油腻之余辣劲十足。- 红糖糍粑卖相好似经典游戏层层叠🤣，糯米炸成金黄色，外层有少少脆，入面既糯米好烟韧。糍粑本身无咩味道，所以要点一点黑糖汁先最正！总括而言，套餐好抵食，$350就食到咁多菜式！