MAMTOM

今晚约咗中同食饭，好耐冇见谂住揾间靓小小嘅餐厅聚一聚会。上网见到呢间餐厅环境几好好适合打卡，所以就拣咗呢度食晚饭。入到餐厅见到大部份职员都系外国人，而且Menu都系英文，所以落单都系用英文落，职员都好热情同埋服务好好，时不时就会关心下，了解下啲嘢食啱唔啱食或者食完啲嘢收咗啲未，所以呢度服务真系好好👍🏻至于呢度啲食物嘅味道都唔错，我同朋友两个人就叫咗蒸红鳕鱼配泰式蒜蓉辣椒和香茅、DIY、牛肉Pho、炒通菜同一个甜品。呢度嘅Pho超级推荐👏🏻，一上枱就见到唔少蒸气，热气腾腾！然后汤嘅香气扑面而来，再加上滑嫩嘅河粉和新鲜嘅牛肉交织在一起，让人感受到一种温暖和满足感。食完呢一餐之后一定会挂住呢一种味道🥰食越式食物多数都系比较重口味，所以一定要配嘢饮，所以叫咗超级清爽嘅西瓜沙冰，饮得出冇加太多嘅糖浆，可以饮到新鲜西瓜汁嘅甜味，而且餐厅仲好有仪式咁，用原只西瓜去装西瓜沙冰，令到整个体验更加好！！！