港原味 (已搬遷) 新店位置

放工唔想煮饭多数落来呢度食，因为呢度啲小菜款式多，分门别类的一整页猪一整页牛一整页鸡，平均每个礼拜都有一晚嚟食。呢度小菜套餐算抵食，主菜另包热饮和白饭，通常我哋都会加八蚊配埋靓汤。今日个靓汤系煲老黄瓜，足料又够晒下火。而且好钟意呢度个白饭够晒大碗，成个小山丘咁㗎🤣男人咁先够饱。支竹豆腐炆火腩 $78我同老公都好钟意食呢个男人的浪漫😆呢度啲火腩炆得好淋好入味，肉质keep到嫩口，一啲都唔鞋，咸咸地送饭一流！咸咸地嘅火腩同淡淡然嘅豆腐一向衬到绝！土鱿蒸肉饼 $78一上枱已经闻到土鱿香味，仲有成吋厚嘅肉饼，真系未食都流晒口水！加咗少少酒仲可以提升返肉嘅鲜味，分量超多嘅肉饼真系斋食佢都够饱啊👍