Uncle Pizza, Pasta & Grill (已結業)

朋友介绍呢度有间很细嘅Pizza好出色，趁今日放假，就约埋一大班朋友嚟试啦。点知今日打风，好多朋友都放左飞机，就最后同朋友两个人去食。不过佢系一个唔食pizza嘅人，咁今日就冇缘试pizza啦。我哋就谂住今日试小食同啤酒，下次再一大班人黎试pizza。估唔到呢度嘅小食都好出色，我自己最钟意呢个黑松露薯条。因为佢除左价钱好平外，佢一上枱就闻到好浓嘅黑松露味，啲薯条都系啱啱炸起，粗幼适中，外脆内嫩。完全唔使点茄汁都好好食，而且佢嘅炸粉唔系好重，食落一啲都唔会热气呀。而我朋友就觉得呢个蜜糖鸡翼最好食，佢嘅鸡翼好大只，而且鸡肉好嫩滑，送酒一流啊。佢嘅外皮整到好香脆，而且唔会太浓味，越食越开胃。而且呢度有happy hour，八点前嚟饮酒非常平。而且佢仲有好多唔同种类嘅啤酒，我自己就认为呢个德国啤酒最好饮啦。呢间餐厅虽然唔大，但系佢嘅位置坐得好舒服，好啱一大班朋友坐低倾偈饮酒。下次我哋都一定要再约多啲朋友嚟试吓佢嘅Pizza呀！