博多拉麵別天神 (已結業)

已经数唔清第几次嚟别天神喇！每次到铜锣湾想食拉面都会谂起佢，呢日偷得半日闲，当然又要拜访下啦！今次过嚟已经2点，佢哋3点落场，所以我都快快手落单。其实每次嚟都系食一样嘅嘢，所以都唔使谂叫咗虾味噌套餐，次次明知自己未必食得哂都会叫呢个餐，因为佢嘅龙虾沙律太太太好味喇！其实可以单点，不过叫餐当然抵食啲啦！呢个虾味噌拉面太好味，次次都想饮哂啲汤！好多樱花虾，好香，汤底绝对浓郁，半熟蛋味道刚刚好，加埋任加嘅芝蔴，人间美食啊～～～好嘅餐厅唔一定要有好多选择，做好几款拿手嘅菜式就已经足够！我一定会继续支持