沐白小農 (已結業)

终于试到台湾过江龙嚟到香港嘅沐白小农。店面虽然唔大，但入面都有几个座位可以坐低慢慢叹，仲有幅白砖墙同彩虹凳比你打卡，环境都唔错架😀大甲芋头鲜奶($30)加芋圆($6) 呢个系沐白小农嘅主打饮品，芋头味好浓郁，加埋优质嘅鲜奶，简直绝配！虽然芋头好香甜，但唔会过甜啱啱好，所以唔会腻到令你觉得唔想饮。芋头鲜奶加埋芋圆就一定系perfect match 喇！芋圆好烟靭好好味，饮完好满足！🤤至于黑糖波霸鲜奶($30)就系沐白另一样主打嘅饮品。黑糖波霸鲜奶而家周围都饮到，但要做到好似沐白咁唔会过甜，而珍珠软硬程度啱啱好就好少见。啲珍珠煮好即刻放入杯入面，攞上手仲系辣手嘅，撞上冰冻嘅鲜奶，𠮶种冷热交错嘅感觉好正。另外值得一赞嘅系佢份量好足👍🏼 冰量啱啱好，唔似得其他店咁，饮完发现完来有半杯都系冰嚟🤨伯爵茶红茶珍珠拿铁($32) 有唔少人都好怕饮鲜奶茶，因为好多时鲜奶茶嘅奶味同茶味都冇奶精奶茶咁重🤪但呢度个鲜奶茶味道唔错，伯爵茶底个佛手柑味好出，好香，完全冇晒之前嘅忧虑。 虽然叫咗少甜但都略甜，不嗜甜嘅朋友就记得要考虑下半糖或微糖。至于珍珠都好烟靭，但始终唔够黑糖波霸咁好食🙈