四季文昌 (已結業)

深圳食椰子鸡就多，但系香港食就第一次。今次同朋友庆祝生日，一行六人一早订左位，但店感觉都唔旺，七点半依然吉吉地。餐牌设计几靓，主打椰子水作汤配文昌鸡。提供几款套餐，几好晤洗谂。但今次无叫餐，因为每个餐都有刺身，对刺身无乜兴趣。碎上子姜，鲜青柠汁加落右边个酱油度好清新，点鸡食好味。六人点了一只鸡都够食，仲豪气都叫左好多火锅配料。呢碟牛系大size,好有牛味，感觉都好新鲜，但每条熟左都好细块。牛拼，样样都有，但不够上一碟牛正。猪加羊拼，猪腩肉同猪颈肉厚切，不错。羊都几‘so’味，岩晒食羊朋友。蔬菜类都好新鲜，特别系鲜豆苗仲未摘下，烚之前先用校剪剪落嚟，好新鲜又几特别啊。最后仲叫咗鲜虾，同埋一个小食凤爪，都不错。今餐大满足食咁多嘢都系$2000左右，可以再encore! 但唯一系啲职员不停sell你食唔食象拔蚌，有d烦。