龍門冰室 (已結業)

今日收咗工同几个朋友一齐去北角揾嘢食，见到呢间龙门冰室大排长龙先知原来成日都好多人帮衬。仲要对学生好好，有优惠， 凡出示学生证就可以鸡翼面、餐蛋面或者猪扒面，真系点都要支持下👍🏼虽然嘢食需时，但都好值得食！最钟意食系黑椒牛仔骨煲，配有白饭，虽然好大煲，但系四个人分每人都可以食到好多唔同种类嘅嘢食，正！叫咗个传统英式早餐，$70，有好多料，炒滑蛋、烟三文鱼、大蘑菇、薯饼、焗豆仲有奶油多士，劲丰富好抵食！而且配有粟米薯仔沙律！添， 啱晒健康一族啦。之后又叫咗黑松露薯条🤭薯条嘅份量好多，四个人都差啲食唔晒呀！不过个酱汁都几好食！可以一试！瑞士鸡翼捞丁啲瑞士鸡翼好原汁原味，够晒味！而且大食嘅人都唔使怕，啲出前一丁份量好似落咗两包咁多！食捞丁梗系要配啲菜啦！我地叫咗西兰花带子，啲带子好新鲜又大大粒！之后又食咗咸牛肉芝士玉子烧好特别，出边嘅冰室都好少有！仲食咗好多只瑞士鸡翼，简直系我嘅最爱啊🤤 啲套餐都有啲都配有嘢饮叫咗一杯热杏霜热西洋菜蜜同埋热北海道牛奶，全部都好好饮份量OK！