洪家手作 洪瑞珍三明治 (已結業)

喺台湾食过「洪瑞珍」三文治，每次都会去帮衬， 总觉得佢哋嘅沙律酱个味好特别，而且面包好软好新鲜。正！经过荃湾几次，见到呢间「洪家手作」，都有尝试嘅冲动，但觉得真系有啲贵。加上喺台湾见到呢间「洪家手作」，比人话系冒充「洪瑞珍」，所以就算我喺台湾都冇试过。喺台湾一份呢啲三文治，大约系35台币，但而家呢度就卖22蚊一件。今日终于破戒。鬼叫我个朋友为食到死，死都话要试吓，结果就咁买咗一份share吓，买咗一份招牌火腿。唔知系咪因为先入为主，总觉得台湾𠮶个沙律酱唔同啲，呢间嘅沙律酱好重牛油味好甜。面包质地冇咁好食，感觉冇咁软同新鲜，同喺普通面包舖买嘅方包差唔多╮(￣▽￣”“)╭试咗一次够㗎喇。