影片
更多
2018-10-14
285 浏览
好友外游回港，说给我买了一些手信，提议去我屋企附近交收。既然友人咁有我心，不如就相约一起来天后食「好西」，顺便坐低倾下偈。出咗天后站，沿著电气道直行，路经 「Texas Burger」，友人突然被餐厅门口这个巨型汉堡相片吸引著，说很想一试。真识货，「Texas Burger」获得 LifeStyleAsia 评选为香港最佳十大汉堡，美味自然不在话下。既然友人想吃，就一于不作他想。其实呢间汉堡包店，笔者之前都帮衬过，无嚟一排，装修好明显与上次到访时唔同咗，比之前开扬舒服，墙身亦多咗好多挂饰，加上可能系日头嘅关系，感觉更加光猛阔落。打开餐牌，食物选项都几丰富，除咗主打嘅汉堡之外，仲有小食、一系列墨西哥风味小吃，如粟米脆片、墨西哥芝士煎饼、墨西哥芝士夹饼、玉米薄脆等，另外亦有 BBQ Baby Ribs、意大利面、意大利饭、几款甜品、软雪糕奶昔同饮品等。友人同我一样都钟意食香口嘢，所以率先拣咗客黑松露薯条 ($58)，薯条烤得够晒香脆，薯肉饱满，而且非常厚身，食落一点也不油腻，唯一就系稍嫌松露香味唔够浓，但热度满分，配千岛酱吃，感觉亦唔错。汉堡包方面，本来我想试下近排好多人推介嘅「未来素食牛
好友外游回港，说给我买了一些手信，提议去我屋企附近交收。既然友人咁有我心，不如就相约一起来天后食「好西」，顺便坐低倾下偈。出咗天后站，沿著电气道直行，路经 「Texas Burger」，友人突然被餐厅门口这个巨型汉堡相片吸引著，说很想一试。真识货，「Texas Burger」获得 LifeStyleAsia 评选为香港最佳十大汉堡，美味自然不在话下。既然友人想吃，就一于不作他想。
其实呢间汉堡包店，笔者之前都帮衬过，无嚟一排，装修好明显与上次到访时唔同咗，比之前开扬舒服，墙身亦多咗好多挂饰，加上可能系日头嘅关系，感觉更加光猛阔落。
打开餐牌，食物选项都几丰富，除咗主打嘅汉堡之外，仲有小食、一系列墨西哥风味小吃，如粟米脆片、墨西哥芝士煎饼、墨西哥芝士夹饼、玉米薄脆等，另外亦有 BBQ Baby Ribs、意大利面、意大利饭、几款甜品、软雪糕奶昔同饮品等。
友人同我一样都钟意食香口嘢，所以率先拣咗客黑松露薯条 ($58)，薯条烤得够晒香脆，薯肉饱满，而且非常厚身，食落一点也不油腻，唯一就系稍嫌松露香味唔够浓，但热度满分，配千岛酱吃，感觉亦唔错。
汉堡包方面，本来我想试下近排好多人推介嘅「未来素食牛肉汉堡」，可惜店员话 Beyond Burger 这天没有供应，咁惟有先试友人睇中咗嘅呢款软壳蟹牛油果牛肉汉堡 ($108)。个汉堡包非常大件头，材料一目瞭然。先拿起竹签，再揭开包面，入面夹有半个牛油果、大大只软壳蟹同一块接近 3cm 厚的汉堡扒，馅料一层叠一层，劲足料，未食已经令人流晒口水。牛油果已经去掉皮和核，入口熟透软绵。软壳蟹即叫即炸，咬下仍热辣辣，非常松化。汉堡扒用烟薰牛肉嚟做，入口松软多汁，加埋半溶芝士、生菜等配料，层次丰富。
见餐牌有咁多款墨西哥小食，反正食唔到 Beyond Burger，就点客软皮墨西哥芝士夹饼 ($88/2pcs) 试试。夹饼材料共有 6 款可供选择，包括手撕鸡、香草菇菌、烧烤手撕豚肉、脆鱼柳、煎牛柳条同软壳蟹。拣咗香草菇菌和脆鱼柳两款，饼皮略为轻煎过，食落几香口；菇菌菌香十足、鱼柳香脆嫩滑，再加埋牛油果酱、番茄 Salsa 等酱汁，既清新又健康！
甜品选择不多，只有 3 款，被这款香煎焦糖苹果夹饼 ($58) 吸引，成品嘅卖相跟餐牌中相片有点不同，幸好味道亦不赖。饀饼即叫即做，上桌时仍热辣辣，外皮非常薄身，食落又脆又香，入面夹满甜美嘅焦糖苹果，面头淋上朱古力酱，中间再伴以忌廉，食完简直甜到入心。不过个饀饼份量都几大，建议最好两人 Share 嚟食。
饮品方面，友人点了蜜桃菠萝梳打 ($33)，梳打用上新鲜菠萝及蜜桃打制，据说味道唔错，鲜甜清新。至于我点的黑牛 ($40)，其实即系朱古力雪糕可乐特饮，雪糕幼滑香甜，配上冰冻的可乐，饮完简直凉透心！听店员讲，餐厅最近喺朗豪坊开咗新分店，下次去开旺角一定要过去捧下场。
张贴
