肉肉大米

营业中

休息中

终于唔使北上食「肉肉大米」，内地人气汉堡扒专门店「肉肉大米」上个月系沙田开幕。席前即煎和牛汉堡扒卖相+ 吧台座位+开放式厨房睇落同日本🇯🇵挽肉と米差唔多，但系价钱差一半，性价比非常高。香港店同内地店一样，主打席前即煎汉堡扒，提供3款口味，分别有原味、邪恶芝士味同香港限定蟹肉味。套餐价钱同内地差唔多👍🏻，而且可以无限免费添加日本白饭同汤。店员预先将严选九州黑毛和牛+美国牛肉混合制成既汉堡扒煎至6-8成熟，达至表面微焦，确保锁住肉汁，客人食既时候再自行加热至理想熟度，餐厅提供7款调味酱料：洋葱酱汁、番茄蛋黄酱、烧肉酱、胡椒盐、沙茶酱、芥末盐曲、蒜香辣椒酱、黄芥末籽酱，自由配搭钟意口味😋。原味汉堡扒建议配上日本生蛋一齐食，流心蛋+肉嫩juicy汉堡扒 = 滋味十足👍🏻，送饭一流！另一款人气口味芝士和牛汉堡扒，店员即席系芝士汉堡扒表面再double up刨上芝士，邪恶芝味香浓！香港限定蟹肉和牛汉堡扒，系汉堡扒顶层放上蟹肉、萝卜蓉、青柠、紫苏叶，再淋上柚子醋，口感清爽！温馨提示：餐厅暂时只接受电子付款，唔收现金❗️