泰濃麵 (樂道)

营业中

休息中

系尖沙咀行下街，谂住简单啲食碗粉，点知揾到间泰国船面。环境干净舒适，装修有点复古感觉。有的似车仔面，要拣汤底 (船汤，冬阴功汤，清汤)，面底，同埋主食。唔同主食，会有各自既配料，炸猪皮，秋葵，虾，鱼蛋等- 顶级安格斯牛肉 + 冬阴功汤 + 金边粉安格斯牛肉系好好食，有口感同埋肉味浓，不过少咗啲。金边粉爽口，汤底口味比较正宗，好有泰国感觉。- 卜卜蚬 + 船汤 + 河粉船汤系泰式传统汤底，味道浓郁，但系有啲改良，完全冇腥味。卜卜蚬都唔少，又冇沙，配料都好好食，值得推介。- 泰式小食拼盘（泰式炸虾饼、鸡翼、炸芝士云吞）每样两件，啱晒二人share。炸虾饼最好食，弹牙，好有水准。- 泰式香茅班兰梳打特饮我钟意饮泰国梳打，次次食泰国野必饮。依个特饮就真系少见啲，有原条香茅，同埋班兰汁，梳打就自己加。味道特别，可以一试。