飯意冰室 (已結業)

今日同朋友学完瑜伽，个肚特别饿，所以喺附近睇吓有乜好嘢食。行吓行吓见到黎间茶餐厅个门面好似唔错，所以我哋就入左去试吓。下午茶由晏昼两点至六点，最平嘅$17已经可以搞掂，最尾我哋一行几个人都叫左个面食下。餐蛋面水准都系咁上下，煎鸡蛋半生熟唔错，汤底系类似猪骨汤底唔似平时出前一丁嘅麻油汤。而个香辣鸡翼芝士辛辣面比餐蛋面简直系天同地比，首先鸡翼十分入味，辛辣面加上芝士简直系完美嘅配搭，所以建议各位朋友如果想食面都系食返个辛辣面会比较推荐。