Hashtag B

营业中

休息中

香港特色Bakery同pastry店开到成行成市，竞争好大。其中一间我最钟意去嘅舖头就系【Hashtag B】。比起其他新兴起嘅网红舖头、个人觉得佢哋系最有香港特色㗎。拿破仑焦糖千层蛋挞：每间分店每日有限定时间出炉，卖晒就冇。尖沙咀分店嘅出炉时间系早上10:30。拿破仑千层皮非常松脆，又唔会成口油。蛋浆有啲似葡挞嘅蛋浆，但系唔会太甜。底下有一层薄薄嘅微苦微甜焦糖，系大人嘅口味。牛角包：非常松脆，牛油味十足。就咁食或者夹嘢都非常适合。柠檬茶菠萝包：上层菠萝皮又甜又松化，下层面包见到啲茶叶碎、真材实料。夹埋又唔会好甜。奶茶墨西哥包：墨西哥皮奶油味香浓，下层面包又系好香嘅茶味，而且都系见到茶叶碎。非常特别。