新肥泉海鮮大排檔

营业中

休息中

好耐冇行过庙街， 以前行亲庙街都会想食大排档， 但因为近排天气太热了， 所以朋友就带我到附近的官涌市政大厦2楼熟食中心～新肥泉海鲜大排档， 因为这里有冷气风扇比较冇咁热。 一坐低梗系叫返支蓝妹啤酒$33先， 近排食咁多嘢消消滞再叫多一支淳茶舍消茶$18， 餐牌上嘅食物种类很多，好多我都想食， 无奈得两个人所以只可以叫到姜葱生蚝煲$168， 猪膶啫啫鲜鸡煲$128， 豉椒炒大蚬$138，餐前小食$10。豉椒炒大蚬～ 每次到大排档都好钟意叫炒蚬， 一碟有好多只，仲要每一只都好有份量，镬气超强， 非常好食。猪膶啫啫鲜鸡煲～ 猪润爽口嫩滑， 鸡煲惹味十足， 用嚟送酒一流呀！姜葱生蚝煲～ 估唔到呢个生蚝煲差不多有成十只生蚝，真材实料，每一只蚝都啖啖肉非常肥美。朋友第一次带我来这里， 虽然向街市上面但卫生程度都几好， 光线充足地方宽阔，好欣赏港式风味的大排档， 除咗够镬气之外，仲系港人集体回忆嘅好地方。