甘甘好蔗 (已搬遷) 新店位置

平時台式肥仔水、嘆啡就陪女朋友成日試得多，呢次路過"肥姐小食"果邊就見到呢間有別於傳統蔗店係門口一碌碌比人睇既蔗，而將蔗汁融入各款特色飲品，見佢咁有諗頭，女友竟然自己捉住我話要試下，款式唔算多，但足夠我揀了，有配咖啡、水果或者經典系列慢慢揀，我自己覺得比起其他飲品，呢個感覺更健康，可以係#旺角推薦飲品，價錢更加係親民，特別在佢係舖頭側邊既巷仔仲有鴉比人打咭tim鮮榨甘蔗汁本身想揀熱既，最後女友要求凍，店家部機好好，入口冇傳統舖頭會榨到杯野入面有渣，但呢杯野清澈入綠，一啖入口，夏天飲真係冇得輸，清水解渴，而純本身既蔗糖已經足夠甜度，如果天時熱，我會好想飲多幾杯蔗打檸檬熱飲一向係我至愛，呢杯蔗打檸檬，一開始既時候入口清甜，慢慢果浸檸檬味會變得重，但佢唔係一般飲品味用既黃檸檬，佢係用青檸做底打出黎，更易入口，呢次既出色會令我心郁會想翻兜再黎幫襯，下一次我想試既會係班蘭梛奶同甘蔗鮮奶