亞坤 (已結業)

啱啱去完新加坡返黎不久, 很喜欢新加坡的亚坤, 因为d 野食够肥, 够好味, 够新鲜。不久前经过尖沙咀, 见到亚坤, 所以决定要试一试。同友人两个人去试, 叫左几样野食。分别系新加坡鸡饭同埋喇沙, 仲有一杯热冻咖啡。我未入门口, 已经睇到个餐牌系写新加坡鸡饭, 无人话系海南鸡饭。但系听到好多人话要食 " 海南鸡饭"。我都 warn 左我友人话, 人地叫得新加坡鸡饭, 唔好expect 佢系海南鸡饭咁既style. 友人都话想试试咁就食下啦。新加坡鸡饭d 鸡系烚熟既老鸡, d 肉好"鞋", 一d都唔海南鸡架。失望喇沙个样都似喇沙, 好有椰奶味。冻啡系港式冻啡, 同我系新加坡亚坤饮既差好远。可能香港亚坤系迎合左香港人既口味, 但似乎太多香港人去过新加坡亚坤, 大家都想唔驶去新加坡都可以食到亚坤, 而唔系香港口味既亚坤啰。