築地日本料理 (金百利廣場)

营业中

休息中

连放五日假后， 心情都未平复， 大老板又未返黎， 于是又好任性咁去铜锣湾食Lunch. 金百利广场成层都系食店， 午饭时间去呢度食， 大家就要比少少耐性等下lift. 不过都唔系等左好耐， 3转lift 就上到去。喺楼下已选定筑地日本料理， 因为而家无得去筑地， 咪去返呢度当自我陶醉啰。是日午餐三文鱼亲子丼剑鱼腩刺身三文鱼亲子丼， 三文鱼籽大大粒， 色泽鲜明， 一放入口， 鱼籽卜卜脆， 鱼油喺口里面徘徊， 非常抢口， 三文鱼腩厚切， 亦系啖啖鱼香鲜味， 鱼腩肥美， 好食。剑鱼腩刺身， 剑鱼系我食刺身三大最爱，因为爱佢够鲜够甜， 剑鱼亦系厚切， 刺身非常新鲜。提一提大家， 呢度有位店员应该有语言障碍， 但非常有礼貌， 服务态度一流， 值得嘉许。