送行提燈 (已結業)

由细到大都超级钟意日本嘅妖怪，有好多好可爱好有意思嘅妖怪存在，所以当我一见到呢间居酒屋嘅时候就忍唔住即刻冲左去试。一行到入去已经feel到店主对妖怪𠮶种热情，除咗长身诱惑之外仲有好多个tricky好得意嘅位可以影相同埋认识更加多日本妖怪。就连Menu都系根据妖怪大全入边啲妖怪嘅性格各样野去帮啲菜式命名，真系好有心。首先店舖主打嘅面食，可以冻食可以热食，亦都可以加大份量去满足唔同人嘅食量。面质好爽口，而且将生蛋打入去面汁入面食，系好传统嘅日本人食法而且一定会好食，只要只蛋够新鲜。非常欣赏佢嘅竹炭天妇罗，或者你觉得佢卖相好核突，但系妖怪嘅食物真系咁样㗎！今次叫咗南瓜同甜薯天妇罗，个面做得非常脆，而且黑色真系好均匀，忍唔住帮佢要影多几张相。炸咖喱薯蓉饼都可以话系日本传统小食定番。要炸到金黄松脆其实唔系容易，而且佢个咖喱味很出，细细件送酒，送汽水都非常合适。仲有一杯大天狗嘅饮品，其实就系一啲莓加乳酸嘅一个酸酸甜甜嘅饮品，点解叫大天狗㗎？我谂系个颜色挂。