海老名沾麵

营业中

休息中

海老名每日限量蚝拉面，汤头系店家特别为配合呢碗限量面而煮嘅海鲜杂菜汤，汤头鲜甜加入杂菜亦增加一份清爽感觉，汤入面仲要系有蚝肉碎，食到咁上下可以将柚子加入汤又变成另一层次亦可减低肥腻感，拉面配菜有肉碎，烧京葱，翡翠苗，昆布同柚子，蚝用上濑户内海产嘅刺身级蚝肉，只只都肥嘟嘟胀卜卜，因为系刺身蚝所以唔需要煎太熟，蚝肉口感creamy鲜甜，面条系中太面，烟韧有咬口，半熟蛋用上日本蛋，质感软熟蛋味香浓，而且浸嘅时间亦掌握得好好够流心，个人觉得呢碗面定价＄128系抵食嘅，食得出店家嘅用心制作。温馨提示：蚝拉面每日限量供应，碗数唔多，最好打电话问左有无先。