影片
更多
2021-08-20
5268 浏览
九龙城不嬲都系出名食泰国菜嘅地方，因为佢最多就系泰国菜同潮州菜餐厅，可以被誉为香港嘅小泰国，以前好少去九龙城，因为交通唔方便，屯马线又未开通，但就算未开通个时，呢一间泰国菜嘅人龙一直都有，因为佢系唔少人心目中香港最好食嘅泰国菜。泰金国系一间九龙城嘅泰国菜餐厅，由泰国人主理，老板娘系泰国人，由泰国嫁来香港，同丈夫一齐开舖，已经系九龙城开业差唔多12 年，以前佢系喺衙前围道，系一间细舖，之后系上年年尾搬咗系侯王道既大舖，可以喺疫情疫市情况下搬大舖，证明佢嘅生意完全冇被疫情影响过，系屯马线开通后，老板娘话员工忙到饭都冇得食，就咁经过下间间餐厅都要排队。咁好食咁出名嘅餐厅仲要系良心小店，喺餐厅出面嘅玻璃已经见到。以前餐厅净系做晚市，六点钟开门，所以五点几就嚟六点就会见到人龙，依家搬咗新铺就连午市都做埋。特别一提虽然佢𠮶个电话写住可以whatapps报名，我尝试过佢话呢家无得订位，得walkin。话晒系香港数一数二泰国菜餐厅，人龙一定有，大家食个时准备好心理准备排队，前后黎过两次，第一次系平日星期三夜晚，四个人嚟食，最早个个朋友18:55就到，个时要等五张枱，最后等到19:40终于可以入座，而第
泰金国系一间九龙城嘅泰国菜餐厅，由泰国人主理，老板娘系泰国人，由泰国嫁来香港，同丈夫一齐开舖，已经系九龙城开业差唔多12 年，以前佢系喺衙前围道，系一间细舖，之后系上年年尾搬咗系侯王道既大舖，可以喺疫情疫市情况下搬大舖，证明佢嘅生意完全冇被疫情影响过，系屯马线开通后，老板娘话员工忙到饭都冇得食，就咁经过下间间餐厅都要排队。咁好食咁出名嘅餐厅仲要系良心小店，喺餐厅出面嘅玻璃已经见到。以前餐厅净系做晚市，六点钟开门，所以五点几就嚟六点就会见到人龙，依家搬咗新铺就连午市都做埋。特别一提虽然佢𠮶个电话写住可以whatapps报名，我尝试过佢话呢家无得订位，得walkin。
话晒系香港数一数二泰国菜餐厅，人龙一定有，大家食个时准备好心理准备排队，前后黎过两次，第一次系平日星期三夜晚，四个人嚟食，最早个个朋友18:55就到，个时要等五张枱，最后等到19:40终于可以入座，而第二次都系平日嘅夜晚18:55就到，不过最后八点先可以坐到，但第二次去屯马线应该开通左，交通方便左多人都正常，朋友有同我讲过星期六夜晚7点去等到9点2，侍应出黎同大家讲后面个啲无得食只可以外卖，可见星期六日更加难食到。加上佢个抽风系统对正门口，所以会比较热。题外话我第一次嚟𠮶时，见到Ian特登过嚟买外卖。
餐厅唔算话非常之大，但座位数量比起以前细舖起码多一倍，以前细舖应该只可以容纳20个人，依家应该可以容纳30至40人。装修无好似小曼谷泰国美食站既打卡火车、无缅泰皇宫好似宫殿既套饰，比较简陋，就净系专心食泰国菜，但无阻咁多人过嚟排队，呢度有用餐时间系75分钟。
睇过餐牌，嘢食种类算几多，沙律类有10几款，海鲜类有炒蟹、炒虾、炒蚬、炒青口、乌头鱼、鲗鱼，烧烤小食类有鸡翼、鱼、海鲜、牛肉等，小菜类有炒肉类同咖哩，汤类有冬阴公、椰汁鸡、海鲜同肉碎汤，蔬菜类有炒通菜、芥兰同椰菜苗，炒饭类有各种炒饭同海南鸡饭，粉面类有各种炒河、粉丝、金边粉、汤河、船河，饮品类除咗有七款口味嘅沙冰，仲有泰国菜有嘅龙眼冰、泰式奶茶、椰青等。
价钱算平民，不过可能因为有用餐时间限制，呢度基本上只可以落一次单，但因为冬阴功汤实在太好饮，问店主可唔可以再叫多碗个时，最尾都叫到。
-
1️⃣ 泰式生虾刺身 💰98（👅: 9/10）
泰式生虾刺身
$98
120 浏览
1 赞好
0 留言
-
2️⃣ 马拉盏炒通菜 💰78（👅: 9/10）
马拉盏炒通菜
$78
15 浏览
2 赞好
0 留言
-
3️⃣ 泰式炒金边粉 💰78（👅: 8/10）
式炒金边粉
$78
44 浏览
1 赞好
0 留言
-
4️⃣ 泰式烧鸡翼 💰18/只（👅: 8.5/10）
泰式烧鸡翼
$18
53 浏览
2 赞好
0 留言
-
5️⃣ 泰式炸虾饼 💰78（👅: 8.5/10）
泰式炸虾饼
$78
35 浏览
2 赞好
0 留言
虾饼有八件，份量非常多，炸到金黄色，煎到热辣辣， 外层炸衣唔会太厚，咬落卜卜脆，虾肉咬落爽口弹牙，食到啖啖虾肉，带少少嚼劲，虾味够重，够足料，整体来讲系个好食嘅虾饼。
-
6️⃣ 泰式冬荫功汤 (细) 💰98（👅: 9.5/10）
泰式冬荫功汤
$98
107 浏览
2 赞好
0 留言
-
7️⃣ 烧牛肉 💰88（👅: 8.5/10）
烧牛肉
$88
119 浏览
2 赞好
0 留言
呢度嘅泰式烧牛肉份量非常之多，食极都仲有，差唔多有成二十旧，牛肉都系切到成一条条咁，外表上系烧到有六、七成熟，肉质粉嫩，未食之前已经闻到好香嘅炭烧味。
牛肉感觉好似平时锯扒食个种牛扒咁，食落系几重牛肉味，而且充满炭烧嘅香味，有肉汁，唔会烧到好干身，唔会好油腻，边位食落更加有焦香味，牛肉系半肥瘦，会见到边位嘅筋位比较多，而且牛肉有啲系生啲有啲系熟啲，所以略嫌熟啲嘅咬落去偏韧少少。
加上佢个酱汁非常惹味，食落酸酸辣辣，唔食得辣嘅人都食到，绝对系有提升个层次，如果佢个牛肉可以烧到再生啲就更好，咬落应该就会更加入口即溶。
-
🍧 泰式芒果沙冰 💰 38（👅: 9/10）
泰式芒果沙冰
$38
82 浏览
1 赞好
0 留言
呢度嘅沙冰系非常之大杯，啲沙冰系高过个杯身起码三分之一，绝对系够一餐饭饮，饮落非常之够冻，即使食完餐饭都仲有啲冰喺度，沙冰够绵密，芒果味饮落够甜，唔会好酸，唔系假既芒果味，都系用果肉整，夏天饮系消暑一流。
-
🍧 泰式菠萝沙冰 💰 35（👅: 9/10）
泰式菠萝沙冰
$35
54 浏览
1 赞好
0 留言
菠萝沙冰比芒果沙冰无咁甜，饮落唔算好酸，几开胃消暑。
-
🍧 泰式青柠沙冰 💰 35（👅: 8.5/10）
泰式青柠沙冰
$35
39 浏览
1 赞好
0 留言
青柠沙冰饮落会几酸下，比起其他口味，我自己就唔太习惯，但冰沙一样系满足。
-
🍧 泰式椰汁沙冰 💰 35（👅: 9/10）
泰式椰汁沙冰
$35
69 浏览
1 赞好
0 留言
-
🌟食物质素来讲，系我食过最好食嘅泰国菜餐厅，因为佢有好多样菜式都有惊喜，系以前其他泰国菜餐厅揾唔到嘅质素，最出色我觉得系冬阴功汤，因为连同行朋友都一致觉得要叫多碗嚟饮，酸味同辣味都非常足够，非常之开胃所以好想饮多碗，而炒通菜系有惊喜，因为佢嘅镬气非常之足够，叫咗咁多样，我觉得除咗金边粉比较冇咁出色之外，其他都系好好食，食物质素来讲系绝对可以一食再食。价钱来讲都系好平民，视乎大家嘅食量，如果大家食量唔算多，其实一碟金边粉、一碗冬阴功汤、每人一杯冰沙都已经够，买单可能都系接近每人$100，如果多人就可以叫多啲小食去试，但整体卖单应该都唔会过$200，嘢食份量都系非常之多，而且碟碟都系热辣辣好有镬气，讲性价比非常之高，$200可以食到香港最好食嘅泰国菜，绝对值得。其实仲有好多样嘢食都未嗌，下次会想食烧猪颈肉、生菜包、烧鲈鱼。
环境唔会系好靓好有设计，但嘢食已经好食到咁，其实对环境无追求都无所谓，服务来讲虽然我哋加咗一次单，但都无黑我哋面，而且同门口𠮶个肥姐姐有讲有笑，之前上网话佢服务有啲唔好，但今次完全觉得冇，野食上菜速度几快，点左菜之后十分钟就有生虾、通菜、金边粉，两分钟后就上哂沙冰，之后一个字就上埋其他菜，最后系烧牛肉。
餐厅因为好食而且好具人气，所以排队就基本上一定要，除非你系去开门𠮶时就到，就可以做到第一轮食客，至于值唔值得排咁耐队，就睇吓你对泰国菜有几追求，如果你真系好钟意食泰国菜，我觉得你最少要来一次，食一次你就知道原来泰国菜可以咁好食、咁正宗。大胆讲句，如果无食过泰金国，根本唔够胆话自己钟意泰国菜。
-
👅味道: 9.5/10
🍴环境: 7/10
💰消费: $100-200pp (服务费: NA)
张贴
