影片
更多
2019-04-16
8578 浏览
今次我好认真打呢篇食评，因为呢间系全港最出名同最高级既寿司店之一，亦有唔少人对香港Sushi Saito呢间餐厅有种迷思，包括好唔好食？点样book位？难唔难book位？值唔值去食？等等既问题。所以我都详细啲打下我个人既睇法同体验。香港人喜欢日本菜既程度大概不需我多说，我们身边都一定有唔少朋友一年飞日本几次，然后分享美食上社交媒体打卡，但又真心讲，日本最top既餐厅从来都系好难订位，有啲甚至要等上半年以至一年，而且好多出名既餐厅都系日本人先能够订位。所以日本著名既米芝莲三星店 Sukiyabashi Jiro或者Sushi Saito 其实好多香港人都未食过。但对于一部分人嚟讲，有时候又唔一定要食最好既餐厅既，唔少人就算去到日本都系食平价寿司店例如美登利，或者去丰洲市场食新鲜刺身同寿司其实已经好满足。不过无论大家食过好野定系想食好野都好，都喜欢睇其他人既食评去断定一间餐厅食唔食得过，所以我就中肯客观咁讲多啲基本既information出嚟，再分享我喺香港米芝莲两星呢间Sushi Saito用餐既experience。<餐厅背景>Sushi Saito 总店喺日本，日本店
<餐厅背景>
Sushi Saito 总店喺日本，日本店2007年获得米芝莲一星，2008年荣获米芝莲二星，2009年就荣获米芝莲最高级别既三星殊荣。
Sushi Saito 于2018年喺香港中环四季酒店45楼开设全球第一间海外分店，Saito San既徒弟嚟到香港主理，并荣获米芝莲二星殊荣。
<订座>
想喺香港Sushi Saito食，有三个方法。
一) 你系四季酒店或者引入Sushi Saito嚟香港既Global Link饮食集团既VIP.。
二) 你有Global Link VIP 朋友refer你/帮你订位去食。
三) 每个月既一号10am-2pm打去Sushi Saito订位热线book位。
我之前试过打电话订位，但打左半日都无人听，所以放弃左打电话。最后揾一个系Global Link既VIP朋友帮我订位所以先有得食，哈哈。
<Menu及价钱>
我觉得一篇好既食评系要有menu比到大家睇下餐厅食咩，不过呢间始终系高级既寿司店，去之前基本上客人都已经知道食omakase，所以去到餐厅内系无一个menu影到比大家睇，但价钱就如下，比大家参考。当中我系食lunch，包括两款前菜，十件寿司，汤，甜品。
Lunch omakase: $1580 + 10%/per person
Dinner omakase: $3280+10%/per person
<衣著>
我觉得客人衣著方面smart casual嚟到食都足够，就算唔系都记得千万唔好著无袖衫，短裤同埋拖鞋嚟，要学懂尊重场合。女士方面就记得唔好喷太多香水，因为香水既味道会影响自己同其他客人欣赏同品尝寿司既体验。
<餐厅装潢>
虽然香港店位于五星级酒店内，但四季酒店将45楼一部分隔开并装修至跟高级寿司店无异，店内采用左日本长野桧木，沉实典雅。食材每日从日本直送，并由sushi chef喺当地市场挑选。引入Sushi Saito嚟香港既Global Link饮食集团从日本奈良挑选日本陶艺大师辻村史朗以及佢儿子辻村块既陶艺品，除左作为摆设用途亦承载美食，令客人饮茶或者享用清酒时，令客人感受到融合艺术同美食既奥妙。
<服务>
Service on point. 经理同侍应都有礼貌，除左递上热毛巾同埋热茶之外，仲会不断帮你更换热茶。
<用餐经验>
<师傅手势和刀工>
日本菜最重要除左新鲜既食材之外，最重要都系寿司师傅既手势同刀工。个人认为以香港嚟讲Sushi Saito 寿司师傅既刀工不错，而且非常专注。而手势方面呢，师傅有时会同客人交谈，看似好悠闲咁，但其实熟能生巧，手握寿司饭力度刚好，亦唔会话太松散。
前菜
Komochi yari-ika
前菜总共有两道，分别系两道熟食既菜式。第一道就系Komochi yari-ika (子持ちヤリイカ) Pregnant Spear Squid with roes. 即系鱿鱼同埋佢既卵子，质感几爽口。
Kama-toro
第二道前菜系Kama-toro，即系吞拿鱼既鄂位，尝到油香之外，质感非常软腍。<寿司>
其实而家食寿司就算喺日本都已经唔少地方都唔会由白身鱼食到红身鱼(即系淡味食到浓味)咁，所以师傅点安排我就照食啦。
Kinmedai 金目鲷
有部分既寿司店会用火枪轻轻火灸金目鲷，目的为左迫出油份，但呢度无，不过唔系话无就代表唔好，鱼既肉质依然够爽弹。Kohada 小肌
如果你唔认识Kohada 小肌，大概你对寿司既认知都系比较少。Kohada 小肌系江户前寿司不能或缺既一员，呢间肉质几好之外，腌得唔错，酸度亦平衡。Akami 赤身
吞拿鱼赤身，经过酱油渍，唔会太咸亦尝到鱼既味道。Chu-toro 中拖罗
呢件中拖罗当日喺鱼既鲜味同油脂甘香程度当中都算平衡。O-toro 大拖罗
我好期待既大拖罗，唔算入口即融，但食落都尝到油脂甘香。Sumi-ika 墨乌贼
Sumi-ika 墨乌贼都算唔错，质感几爽口。Aji 池鱼
当日既Aji 池鱼好食，葱我觉得系神来之笔，香味突出但亦唔会盖过鱼既鲜味，亦尝到油香。香港嚟讲算系我食过人生当中最好既一件池鱼。Sea Urchin海胆
海胆用上北海道马粪海胆，当日既质素好新鲜，海胆甘润鲜甜。Anago 海鳗
其实质感几fluffy，呢间主要用盐去调味，不过我更喜欢令一间加上甜既酱汁既海鳗。Clam 大蚬
蚬肉质清爽，酱汁稍为过甜。
卷物
卷物包括青瓜，海胆，蟹柳等。质感爽口但食完即忘记，所以普通啦无咩特别。Tamago 玉子
呢件玉子好食！平滑得嚟，拎起就发现质感好Q弹，蛋味亦都好香甜。面豉汤
真心讲，好普通，同其他日式寿司店饮到既面豉汤分别不大。甜品
甜品以蜜瓜作结，坦白讲呢件唔系我食过最好既蜜瓜，但基本上都算几鲜甜多汁。<价钱>
Lunch omakase: $1580 + 10%/per person
Dinner omakase: $3280+10%/per person
<总结>
呢篇食评我好用心机打，因为好多人都对Sushi Saito有迷思，所以我就将我最真挚既感受打出嚟，毕竟食完都使左一大笔钱。Sushi Saito既价钱我真心觉得系贵，但质素以香港既omakase嚟讲又真系算系头5位最好。当然，心目中有寿司店既质素差唔多但价钱平一半，哈哈。所以我认为如果你愿意使钱喺食物方面既，Sushi Saito一试无妨既，如果你真系觉得贵既咁或者储下钱去日本食好过，哈哈。
张贴
