影片
更多
2021-05-24
1662 浏览
其实我未去过西九龙中心美食广场，闻说入面都有几间素食，所以特登过去试下。先试专门卖素食寿司的知味駅，寿司手卷即叫即做，卖相精致之余又几好食，真系可以再encore㖞。香港边度有素寿司食？五间日式素食餐厅推介深水埗最有名的西九龙中心商场，虽然我住附近但其实好少行过去。美食广场位于八楼，目前还在装修当中，我都系一次上来揾食，原来咁大同埋有咁多间铺头。这天是十一点半左右到达，未到午饭时间好多空位，一过十二点就人头涌涌架啦！知味駅专门卖素食寿司，之前有听人讲过，评价都唔错咁样。素寿司和卷物都几多款式，大部分都系蛋素，卷物一份4件、寿司一份2件，第一次食都几花多眼乳既。另外仲有日式小吃、刺身和饭面之类，看起来都很吸引。部分菜式有相睇，感觉都唔错唔系求其煮的素食。寿司如果两个人食或者开party，叫拼盘比较抵食㖞，款式仲可以自选。外卖的话有个日式纸盒都几骨子既。第一次食所以拣左三款有大姆指推介的，一个人食晒十只都几饱肚，哈哈。堂食系用碟唔似场内其他食店用即弃纸碟，仲附好多wasabi同寿司豉油，非常令人满意。素软壳蟹卷 (4件) HK$28好耐无食过炸软壳蟹卷！其中两件手卷蟹脚炸晒出来，卖相非常吸
其实我未去过西九龙中心美食广场，闻说入面都有几间素食，所以特登过去试下。先试专门卖素食寿司的知味駅，寿司手卷即叫即做，卖相精致之余又几好食，真系可以再encore㖞。
香港边度有素寿司食？五间日式素食餐厅推介
深水埗最有名的西九龙中心商场，虽然我住附近但其实好少行过去。
美食广场位于八楼，目前还在装修当中，我都系一次上来揾食，原来咁大同埋有咁多间铺头。
这天是十一点半左右到达，未到午饭时间好多空位，一过十二点就人头涌涌架啦！
知味駅专门卖素食寿司，之前有听人讲过，评价都唔错咁样。
素寿司和卷物都几多款式，大部分都系蛋素，卷物一份4件、寿司一份2件，第一次食都几花多眼乳既。
另外仲有日式小吃、刺身和饭面之类，看起来都很吸引。
部分菜式有相睇，感觉都唔错唔系求其煮的素食。
寿司如果两个人食或者开party，叫拼盘比较抵食㖞，款式仲可以自选。外卖的话有个日式纸盒都几骨子既。
第一次食所以拣左三款有大姆指推介的，一个人食晒十只都几饱肚，哈哈。堂食系用碟唔似场内其他食店用即弃纸碟，仲附好多wasabi同寿司豉油，非常令人满意。
素软壳蟹卷 (4件) HK$28
好耐无食过炸软壳蟹卷！其中两件手卷蟹脚炸晒出来，卖相非常吸引，入口味道都唔错，脆脆软壳蟹好足料，伴碟仲有腌姜片好有诚意。
上面太多沙律酱，下次再食我谂会试下少酱or走酱。
素鳗鱼牛油果卷 (4件) HK$30 / 芒果花之恋寿司 (2件) HK$24
这两款应该都系招牌之选，卖相够晒压场！
素鳗鱼牛油果几有层次，外面牛油果片好靓，中间除了素馒鱼还有玉孩、青瓜和素鱼生，饭量唔会太多，味道非常之好！
我本身就唔太钟意食蒟蒻鱼生既，但这个花之恋意外地非常好食！外面个素鱼生唔系超弹牙果种，反而软软地有点似真鱼，配埋芒果和沙律酱都几好食。
知味駅的素食寿司卷物都系即叫即制，这天我就现场等了20分钟左右，建议预先落单以免要等很久。惊现场座位坐得唔舒服叫外卖都唔错架。
香港边度有素寿司食？五间日式素食餐厅推介
张贴
