影片
更多
2024-09-26
658 浏览
呢一间系我第二间试嘅水沾面。比起第一间，我比较会有个底，知道我将会尝试到嘅系咩滋味。昆布水沾面🍜 - 原味豚骨汤 🐖香味 (3/5) - 豚骨嘅香味唔系太明显，还可以。反而，好清楚闻到荀味，我稍后会再讲。汤头 (豚骨汤沾汁) (3/5) - 豚骨嘅味道唔系太真，似系出前一丁汤粉会食到嘅味。浓稠度同咸度算系刚好，整体味道系可以。昆布水 (3/5) - 佢声称系用北海道产嘅笼目昆布，我完全冇概念系咩类型嘅昆布，作为食客，我觉得味道唔特别，而且昆布水嘅量，唔系你可以用匙羹"笔"起嘅量，食起上来唔够过瘾。面条 (3.5/5) - 我拣嘅系小麦粉面，意外地有用全粒粉，烟韧有咬口，麦味唔算特别香但还可以。加埋昆布水，效果都几好。配料 (4/5) - 跟两大块猪叉烧，薄切，不过算切得大块。肉味浓，几稔，我认为算做得好。溏心蛋系几好，生熟度刚好，有流心，味道够，蛋香够，而且佢冇预先切定，可以感受埋响口入面爆浆一刻！而且，难得嘅系只蛋真心够热又流心，所以就呢只蛋嘅完成度近乎满分💯。荀方面，比较细同幼，口感爽脆。不过，有阵荀臭味，好彩我系唔抗拒呢种味，所以对我来讲并冇问题，唔会扣分，仲有少少加分添！沾汁入
昆布水沾面🍜 - 原味豚骨汤 🐖
昆布水沾面🍜 - 原味豚骨汤 🐖
$83
23 浏览
1 赞好
0 留言
香味 (3/5) - 豚骨嘅香味唔系太明显，还可以。反而，好清楚闻到荀味，我稍后会再讲。
汤头 (豚骨汤沾汁) (3/5) - 豚骨嘅味道唔系太真，似系出前一丁汤粉会食到嘅味。浓稠度同咸度算系刚好，整体味道系可以。
昆布水 (3/5) - 佢声称系用北海道产嘅笼目昆布，我完全冇概念系咩类型嘅昆布，作为食客，我觉得味道唔特别，而且昆布水嘅量，唔系你可以用匙羹"笔"起嘅量，食起上来唔够过瘾。
面条 (3.5/5) - 我拣嘅系小麦粉面，意外地有用全粒粉，烟韧有咬口，麦味唔算特别香但还可以。加埋昆布水，效果都几好。
配料 (4/5) - 跟两大块猪叉烧，薄切，不过算切得大块。肉味浓，几稔，我认为算做得好。
溏心蛋系几好，生熟度刚好，有流心，味道够，蛋香够，而且佢冇预先切定，可以感受埋响口入面爆浆一刻！而且，难得嘅系只蛋真心够热又流心，所以就呢只蛋嘅完成度近乎满分💯。
荀方面，比较细同幼，口感爽脆。不过，有阵荀臭味，好彩我系唔抗拒呢种味，所以对我来讲并冇问题，唔会扣分，仲有少少加分添！
沾汁入面有少量白葱同海苔，增加口感同清爽感觉。
值得大力一赞系，食到尾，我问店员有冇得加汤，点解我会咁问，因为食昆布水沾面，好多店都唔会预你加汤，而系预你将食净嘅昆布水倒埋落去沟稀，而呢种食法会令个汤过份杰身，我系唔钟意嘅。结果，店员二话不说就帮我去准备，加汤之后，浓淡度刚好，我将食净少少面车埋落去，享受埋拉面状态下嘅美味。
整体 - 值得小推荐 👍👍👍点解小，因为本身香港好难食到昆布水沾面，我认为佢捕捉到市场空缺，而性价比系可以，所以都值得试。但因为呢款面都比较平民级数，唔好 expect 好似中环歌赋街d店咁 premium，真心唔系同级。
题外话/补充资料：
间店响旺角上海街，附近有咩你熟旺角一定知。而且装修非常基本（但都坐得舒服嘅），如果你追求嘅系格调同环境，要有心理准备。
(以上食记乃用户个人意见 , 并不代表OpenRice之观点。)
张贴
