影片
更多
2018-12-16
49 浏览
跟著Openrice评分来到，虽然装修新颖，但夜晚八点只见到空荡荡的店内两个外卖客，有点担心会否中了「打手」伏。加上餐牌上菜式的价钱都是$3x-4x，就没抱太大期望（平嘢冇好的谬误）。岂料食物质素喜出望外，味道细致而有特色，真材实料吃不出味精，实为香港食肆少见！由于开头以为求其食餐，有字冇图，唯有斋噏 😂。同行四人嗌咗五样嘢，冇嗌嘢饮，食到饱饱，总共$20x，平均$50一位，晚餐嚟讲我觉得价钱公道，甚至算平。午餐餐牌好似好抵，但未食过唔知质素系咪一样。* 清汤韮菜猪肉云吞汤底同饀料稍稍偏咸，但我个人口味一向比较清淡，所以朋友觉得啱啱好。皮薄烟韧，汤底似乎冇落味精，蔬菜汤底清新但不普通，椰菜和微微的蕃茄味竟然没有互相掩过了对方，实在十分出色。*柠辣捞云吞落单时半抱chok怪嘢心态，但原来青柠夹云吞异常合理。朋友们得出结论，因为饺子有时也沾醋来吃，所以青柠的味道也吃得很舒服。*五宝面, 麻辣汤第一啖差啲哽亲，因为辣得好认真，同柠辣云吞两个level，而且面条好入味，所以摊凉咗一阵先敢再战。配料腩肉，鸡扒，墨丸同萝卜，每一样都煮得好好食，唔似系同时间求其烚熟捞埋一碗嘅水准。汤底摊冻很有种深遂
同行四人嗌咗五样嘢，冇嗌嘢饮，食到饱饱，总共$20x，平均$50一位，晚餐嚟讲我觉得价钱公道，甚至算平。午餐餐牌好似好抵，但未食过唔知质素系咪一样。
* 清汤韮菜猪肉云吞
汤底同饀料稍稍偏咸，但我个人口味一向比较清淡，所以朋友觉得啱啱好。皮薄烟韧，汤底似乎冇落味精，蔬菜汤底清新但不普通，椰菜和微微的蕃茄味竟然没有互相掩过了对方，实在十分出色。
*柠辣捞云吞
落单时半抱chok怪嘢心态，但原来青柠夹云吞异常合理。朋友们得出结论，因为饺子有时也沾醋来吃，所以青柠的味道也吃得很舒服。
*五宝面, 麻辣汤
第一啖差啲哽亲，因为辣得好认真，同柠辣云吞两个level，而且面条好入味，所以摊凉咗一阵先敢再战。配料腩肉，鸡扒，墨丸同萝卜，每一样都煮得好好食，唔似系同时间求其烚熟捞埋一碗嘅水准。汤底摊冻很有种深遂嘅药材味，竟然令人谂起某台湾火锅汤底，临收碗前大喝了几口。
*麻酱鸡丝青瓜捞面
味道是能预料到的，但麻酱稍为调淡了，所以不会成口「浆」住。面条很Q弹，就已经很安份地好吃。
*炸韮菜饼
即系炸云吞，唯一觉得冇咩特别嘅小食，不特别推荐。
利申：住附近，长沙湾太多餐厅，好味嘅小店好易畀人走漏眼，怕佢会执笠。睇完有兴趣去试下，帮手留住有质素嘅食物。
张贴