火鍋英雄 (已結業)

又嚟食依度嘅酸菜鱼，依度酸菜鱼嘅汤最好一点就系饮得，而且唔咸，加上一个隔渣嘅贴心汤勺就啱啱好。前菜款式众多，辛辣味重嘅麻辣猪耳薄薄一片，入口爽脆；脆藕酸爽，开胃惹味；木耳都非常入味，其他小菜都清爽可口。鱼肉嫩滑冇骨，入味之余又自身带有鱼嘅鲜味，加上调味用嘅花生酸菜，香味更加有层次。牛肉肥瘦相宜，入口溶化，牛味鲜浓。宽粉索哂酸汤嘅香气，口感烟韧。饺子皮略厚，但系胜在馅料丰富。手打丸新鲜弹牙，特别系鲮鱼球相当鲜甜。毛肚爽口，清理干净冇腥气。杂菜篮都好丰富，最好味就系娃娃菜，甘甜可口。甘蔗水清甜解渴。