蘇媽.蘇媽馬來西亞茶餐室

营业中

休息中

朋友去马拉旅行，话当地d马拉野食好正，搞到我都肉骨茶瘾起。好在香港系美食之都，想食边一国美食都有。多年都系苏妈Fans，可惜铜锣湾分店无咗，好在呢间旺角分店人流旺盛，希望佢Keep住做落去。咖央多士可以选择减牛油或者唔减牛油，为咗食正宗嘅味道，都系决定唔减牛油，咬落个包非常酥脆，咖央酱香浓幼滑，牛油香气令咖央嘅甜带有微微嘅咸，令整体甜得更有层次。高佬面都系马拉嘅特色干面，香港比较少地方可以食到，但系系马拉就随处可见，质感弹牙，带点点蛋香，加埋温泉蛋，入口更为滑溜，而猪软骨则软腍入味。肉骨茶是个人喜欢的药膳风味，浓郁甘甜，而且可以无限续加，猪脚弯入口啖啖胶原感，半皮半肉，口感甚佳，而且份量好多，抵食。最后拉茶则是打卡必备，上层满满的一层泡沫，非常IGable，饮落系奶多嘅港式奶茶Feel，不错。