影片
更多
2024-01-18
839 浏览
越来越多大陆既餐厅黎香港开分店，包括唔少重口味既野食，例如烤鱼、酸菜鱼等等。今日就去左沙田试下大陆都有唔少分店既酸菜鱼，太二酸菜鱼。啱啱开系唔同d，门口企满哂人，攞咗飞等紧入去。我地四个人都等左一阵先入到去。餐厅入面干净企理👍🏻👍🏻入去果下店员会一齐叫口号，酸菜鱼上果下又会一齐叫口号，好有气氛🥰我地叫左个四人份既酸菜鱼加薯粉。佢既酸菜鱼系冇得拣辣度，所以我地原本两个人唔系太食得辣，叫多两个食得辣嘅friend黎食就啱哂。我地仲另外叫左个小食拼盘同埋红糖麻糬。我地两个食得辣既friend就叫咗一碗半白饭。白饭可以叫半碗，份量又唔止半碗，又贴心又抵d。佢地既野饮都有唔少选择，整到好似佢地自己舖头出既手摇饮品咁。唔想俾野饮钱既，另外都仲有洛神花干同陈皮可以俾你冲茶饮。冲好茶坐左一阵之，红糖麻糬就黎左😆佢地既红糖麻糬唔系食开出面好脆入边就好烟韧果只，佢地呢只系出边微微酥脆，入面比较软糯果只😋😋面头有黄豆粉同埋有个红糖浆可以沾就系标准配搭黎，但如果个红糖浆再杰d就好啦🤭跟住好快酸菜鱼就黎左佢地舖头讲到明话酸菜比鱼更好吃，一于试下d酸菜系咪真系咁好食🤤四人份果然好大盆，鱼肉都有好多。除左鱼肉，面头
啱啱开系唔同d，门口企满哂人，攞咗飞等紧入去。我地四个人都等左一阵先入到去。
餐厅入面干净企理👍🏻👍🏻
入去果下店员会一齐叫口号，酸菜鱼上果下又会一齐叫口号，好有气氛🥰
我地叫左个四人份既酸菜鱼加薯粉。佢既酸菜鱼系冇得拣辣度，所以我地原本两个人唔系太食得辣，叫多两个食得辣嘅friend黎食就啱哂。
我地仲另外叫左个小食拼盘同埋红糖麻糬。我地两个食得辣既friend就叫咗一碗半白饭。白饭可以叫半碗，份量又唔止半碗，又贴心又抵d。
佢地既野饮都有唔少选择，整到好似佢地自己舖头出既手摇饮品咁。唔想俾野饮钱既，另外都仲有洛神花干同陈皮可以俾你冲茶饮。
冲好茶坐左一阵之，红糖麻糬就黎左😆
佢地既红糖麻糬唔系食开出面好脆入边就好烟韧果只，佢地呢只系出边微微酥脆，入面比较软糯果只😋😋
面头有黄豆粉同埋有个红糖浆可以沾就系标准配搭黎，但如果个红糖浆再杰d就好啦🤭
跟住好快酸菜鱼就黎左
佢地舖头讲到明话酸菜比鱼更好吃，一于试下d酸菜系咪真系咁好食🤤
四人份果然好大盆，鱼肉都有好多。除左鱼肉，面头都睇到有辣椒、花椒干、青花椒、酸菜等等，仲有d有菊花瓣做装饰，睇落都好丰富。另外仲有两个已经炸左既鱼头。酸菜鱼既汤汁味道浓郁，又酸又辣又麻。
我同食唔到辣既人觉得呢个酸菜鱼已经好够辣，但系食开辣既两位友人就话呢个酸菜鱼可以更加辣，仲话可能已经迁就左香港人既口味。因为内地好似湖南四川呢d地方既人食既辣，真系唔系一般香港人可以食得掂。
佢地既酸菜鱼确实系做到酸香麻辣，鱼亦都好嫩滑。酸菜除左够味，亦都系爽口，味道确实系唔错。
对于食到辣既人，个汤汁拎黎送饭就一流，而薯粉索哂d汤，口感虽然唔算太烟韧，但系胜在够软糯。
个小食拼盘，有鸡翼、虾饼、薯宝同埋小酥肉。
一开始见到menu既小酥肉，如果单嗌，净系得麻辣。仲以为个肉本身已经腌辣左，原来佢系会有个麻辣粉可以沾，咁唔食辣既人都可以食。拼盘仲有蜜糖芥末汁，不过都系偏稀身d。鸡翼嘅调味都唔错，咸香得来肉质都嫩
小酥肉既味道亦都唔错，口感外酥内软，烟烟韧韧咁。
值得一提餐厅可以叫半碗饭 ，几贴心😆
整体黎讲，太二既fans同埋食开酸菜鱼既人，当然要黎试下。不过唔太食到辣既人，其实叫个食得辣既friend黎一齐share，都系个唔错既尝试。
张贴
