廚十三老壇酸菜魚 (渣甸街) (已結業)

而家唔返大陆，但又好挂住酸菜鱼，唯有喺香港揾间酸菜鱼过下瘾。喺公司附近揾咗间酸菜鱼，估唔到都几多人帮衬，全店满座，见到枱枱都有一碟酸菜鱼，睇落唔错。叫咗个二人份酸菜鱼，其他配料要另外加钱。二人份酸菜鱼都好大份，其他调味配料好似系辣椒、酸菜、花椒等都落得好豪气，仲有菊花瓣做点缀，成道菜个颜色好靓。鱼肉薄薄地一片，肉质几滑，而且食咗咁多旧完全冇骨，啱晒啲唔识食鱼骨嘅人。我哋另外再叫咗宽粉，佢同出面其他宽粉唔一样，比较厚身同有咬口，而且佢吸晒个汤嘅麻香同酸味，几好食。除咗酸菜鱼我哋仲叫咗其他小食呢个麻辣鸡脚辣得好过瘾上上签虽然佢写系有两只辣椒但其实又唔系真系咁辣。竹签上边插着莲藕、椰菜花、鸡脚、海带等等，每款大概有两三条。个汁嘅麻味都几重，好过瘾。另外再叫咗解辣嘅菜心，同埋一个叫雨露均沾嘅甜品。其实佢系炸咗嘅米糕，再点d黑糖食。佢炸到外脆内软，作为饭后甜品一流。