四季椰林海南椰子雞 (MOKO新世紀廣場)

营业中

休息中

全国有60间直营门店，深圳四季椰林海南椰子鸡终于嚟到香港Moko开分店！可以唔使返深圳都可以食到椰子鸡， 而且Moko分店座位一样阔落，环境舒服。四季椰林汤底出哂名系用纯椰子水，每个汤底都用左四个椰子，不加一滴水，好岩钟意火锅又想食得健康嘅人士。绝对系未入舖头，单单企系门口已经闻到浓郁椰子香。另外店家新出酸汤椰子汤底，饮落有啲似酸辣汤，不过系小油盐版本，多一分惹味得嚟不失健康。鸡件用嘅系海南名牌产品文昌鸡，因放养走地，皮薄弹牙，没有多余油脂，肉质嫩滑，非常有鸡味。纯椰子汤加入鸡件后煮5分钟就食得，椰子鸡汤好清甜，不油腻，可以先饮2碗汤，然后用沙姜青柠辣椒豉油调教返个灵魂鸡酱食鸡。饮完食完主角鸡汤鸡件，就可以加入其他火锅配料。火锅配料也不欺场，雪山牛小排，爽弹兰花蚌，色泽一流好新鲜！潮汕手工鱼皮饺，呢种手工饺皮薄柔软有鱼肉香！另外凉菜双拼，鸡胗都系用文昌鸡肾，爽口弹牙唔会硬！叫咗个椰子船饭当甜品，椰子肉同糯米饭一齐蒸熟，淡淡椰香，软糯香甜，叫多支鲜榨椰汁，完美作结。