HANA Korean Restaurant

营业中

休息中

韩国菜成日俾人感觉重口味同邪恶，但尖沙咀韩国街嘅呢间Hana 则主打比较少见嘅釜山粥、韩式饺子同乌冬！虽然种类唔算太多，但味道比较健康清淡，加上呢排天气冻，食热腾腾嘅韩国菜特别暖胃！釜山鱼糕乌冬($108)乌冬用筷子卷起，卖相吸睛，上面插着一串杂锦鱼糕，每款都口感弹牙实在，唔会好粉！乌冬，口感滑溜，有d似稻庭乌冬，汤底清淡鲜甜，感觉健康。釜山鲍鱼粥（$138）天气冻，特别想食碗热腾腾嘅粥！韩国粥比较杰身，以高汤熬成，味道鲜甜，粥面加有芝麻油同少许海苔，增添风味。原来呢度嘅芝麻油都系韩国大厨自家配方秘制，冇化学添加，而且更加浓香！辣鱿鱼及泡菜都好送粥！韩牛饺子（$82）韩国饺子皮比较厚身，但食落唔会好硬，口感比较烟韧，馅料包得饱满，啖啖肉，牛味都突出。