豫園 (已搬遷) 新店位置

上海豫园系一个好有特色嘅地方，而香港同名嘅餐厅亦都好有中国特色，食物亦非常高质，服务亦很好。首先要左一笼蟹粉小笼包，用四个字皮薄馅靓来形容就最适合。蟹粉同猪肉嘅比例啱啱好，而且非常之多汁。在要咗一个小食蜜汁火方，呢道菜唔系咁易喺香港随便揾到，要整得好食就更加难。上等嘅金华火腿加上桂花蜜，成功将金华火腿咸味中和。然后放入中式面包，再加埋炸过嘅薄脆片同爽甜嘅青瓜夹住一齐食，比贵d都冇后悔！然后就要左我最爱既上海面食之一，嫩鸡烩面。好多地方既鸡都好鞋，但呢度既鸡系真心嫩。而且菜粒既份量都好多，汤底又唔会过浓过淡，好味。最后要左碟个名好得意既龙须鲜鱼丝。原来系桂花鱼切丝加银芽同大头菜丝炒。就系咁简单既2种材料都已经好滋味。啖啖冇骨鱼肉十分嫩滑，亦好食到鱼既鲜味，果然心机菜。最后值得一赞既仲有呢度既茶，普洱够浓但唔涩，好香好叹。