串王之王 - 正宗成都串串火鍋 (已結業)

话说同朋友喺四川旅行完返嚟 一直都好挂住啲串串 见到好多人都会返大陆食 但系又一路都未抽倒时间去... 今次竟然见到喺闹市尖沙咀有得食四川串串 真系唔使谂即刻同朋友约埋去 食番餐😂串王之王嘅地理位置都好好 喺尖沙咀站行几分钟就到㗎 地铺又容易揾👍🏻一去到 店员也好热情咁介绍汤底 同埋店入面嘅推介。汤底呢就因为天气有啲热 又惊会麻辣汤底好辣 所以就叫咗鸳鸯汤底 一边系番茄汤底同埋另一边系菇汤底！个汤底真系令我喜出望外 番茄汤渌普通嘅串串 真系好好食 吸晒啲蕃茄汤嘅味道 至于菇汤底𠮶边呢 我就觉得比较适合要黎渌肉😂讲完汤底 就讲下串串啦 串串有分一碟碟 例如蛋牛肉 新鲜嘅虾 响铃等等... 另外都有一啲系串好既串串 有腌左嘅肉 有鱼蛋等等...etc 店员推介黑色𠮶种面 本身见到黑色可能都未必敢试 但本着咩都试吓嘅心态试咗 真系好好食👍🏻 口感好弹牙好烟银 仲要吸晒汤底嘅精华👍🏻👍🏻调味料方面呢 指示系有一个港式嘅推介 不过都要睇返个人口味先好落几多醋 可能一两滴就够㗎啦 我就系有少少重手 觉得醋味比较重🙈 值得赞赏嘅系有一罐罐嘅生油加落去调味料 而生油又真系系内地运黎香港架 够哂正宗👏🏻