船皇 (謝斐道) (已結業)

冇得去旅行，唯有留系香港食下船面当去咗。今日收工食呢间 “船皇”，店舖唔算好大，但都坐得舒服唔会好逼。Menu 主要系船面同小食，仲有饮品。汤面可以拣大、中、小辣。同埋有四款面可以拣，我拣咗金边粉。本来想点 “猪肉+猪肉丸+猪润汤面”，但猪润卖哂，所以决定要 “牛腩+牛肉片+牛丸汤面”。汤面大大碗，好足料，面量适中食得饱。朋友的 “船皇汤面” 更加丰盛，成碗都系𩠌。落单时侍应哥哥话，由于冇哂猪润，船皇汤面其他𩠌会俾返多 d。另外叫咗一份 “炸猪皮”，只系 $12，非常抵食。每人一杯 “泰仔奶茶”，又滑又香浓，𠮶碗仲好有特色。夏日炎炎饮返杯冻奶茶，个人即刻醒神哂。