牛禪燒肉日本料理 (已結業)

生活系香港咁多年，都知道香港冻极有个谱，要系香港睇到雪山应该无咩可能。不过今晚就令我大开眼界。一班朋友庆祝生日，饭局拣左世贸一间餐厅。知道呢度食物质素高，不过既然有朋友生日，就豪一次见识下。近江和牛雪山虽然餐厅冷气已经够冻，但近江和牛雪山出场既时候现场气温不禁再度下降。一大盘和牛叠成山既形状，不断有烟由中间冒出，整个画面真系要用壮观去形容。菜式好多时都会改一个特别既名去吸引食客，但往往出嚟既效果都唔能够同个名一样，名过于实。见前呢坐雪山就无令我失望，牛既雪花清晰可见，而且近江牛口感一流，一试难忘，难怪佢会系日本牛中名列前茅。而我就系第一次，系香港，同雪山近距离接触。芝士年糕Size 细细件几好，里面啖啖芝士 ，但又未算好溜。味醂鱼干佐酒小食，鱼干有咬口，一定要沾埋沙律酱，更加惹味。日本青苹果蟹籽沙律味道清新，感觉轻怡，开胃又健康。自己喜欢多点蟹籽，因为喜欢蟹籽夹沙律既口感。五品刺身三文鱼腩，油甘鱼腩，金目鲷，秋刀鱼，响螺五种刺身中以三文鱼感觉上看似比较普通，但食落最惊喜。因为口感有别于一般食开既三文鱼，入口既感觉好舒服，又香又肥美，好少食到三文鱼可以用幸福既感觉去形容。其中金目鲷同秋刀