打鑊甘火鍋串燒 (已結業)

今晚去到北角街市熟食楼层打边炉。都一段时间无嚟，疫情之后地方更加干净。仲干净过一啲茶餐厅。系近地铁𠮶边上，行到最后就系打镬甘。呢度啲枱好大张，大家都知火锅好多一碟碟，呢度完全放得哂。汤底点咗云腿冬瓜，等冬瓜熟咗店员会帮手剪开。推介配料有猪润，店员话系特别配方腌制，渌耐咗都仲爽。钟意食猪润嘅朋友一定要试。另一样系牛筋丸，咬开之后非常惊喜，因为好juicy.饺类方面都系自家制，韮菜饺同白菜猪肉饺都不错。蔬菜类都系 $28 起，非常抵食。隔离枱饮啤酒好有气氛，如果感受地道风味嘅朋记得嚟食吓。