喜記避風塘炒辣蟹 (利園山道) (已結業)

今次同朋友去了这里，就系因为朋友超喜欢这里嘅避风塘炒蟹！除此之外就系哩个人气优惠套餐龙蟹宴，哩个套餐，有超正喜欢嘅菜式，不过可能超抵食嘅关系，最好要订位先！一落单后，先上了鲜淮山酸姜，味道爽口够晒酸甜兼职醒胃！卤水鹅（例牌）接住上枱，大大碟，件件肉，卤水鹅肉十分入味，肉质软熟嫩滑！秘制豉椒炒蚬亦十分大只，肉质爽口弹牙，豉椒味道浓郁！烧汁野菌牛柳粒，牛柳粒配上烧汁入口味道浓郁，入口啖啖肉，肉质嫩滑软熟！野菌吸收了牛柳粒味道更香浓！今次主角之一嘅避风塘炒辣蟹，大量爆香了嘅金黄蒜，大大只蟹，厨师已细心将蟹壳打破，入口啖啖鲜味蟹肉个阵避风塘口味十分，真系可以将金黄香蒜配埋个怀旧鸳鸯饭一齐入口真系十分满足！怀旧鸳鸯饭亦十分足料，有爽口大大只虾肉，亦有软熟嫩滑嘅鸡丝，配上白汁同茄汁嘅选择，绝对系一个十分好嘅选择！而椒盐波士顿龙虾亦十分香口，肉质爽口与香蒜口味嘅炒蟹又系另一种口味，更啖啖肉一大件要用刀叉品尝！套餐亦有金银蛋苋菜，将整晚香口浓味嘅菜肴平衡一下！最后还有番薯糖水送上，滋润一下！今次原全系超级抵食嘅选择！