文記粉麵茶餐廳 (已結業)

住系慈云山二十年，一早已经认识同帮衬过文记。不过计下都有五六年冇帮衬，今日经开毓华里，又想食下午茶，就行左入来文记。下午三点半，两大一细一行三人，入铺坐低到拣野食都正常，到𠮶个阿姐过来落单……哗………𠮶啲态度真系差到一个点，仲衰过黑社会，到野食来𠮶时就另一个年纪大啲既阿姐过来送餐，可能系事头婆啦，所以态度都一样地差，大大声咁我隔离嗌“睇住”。整间铺头就得我地一张枱有客，搅到我以为间铺好迫要我企起身让佢先摆到啲野食落枱。文记喺慈云山几十年，食物质素就冇乜点变，唔系特别好亦唔系差，不过佢啲服务态度就真系越嚟越差，入去帮衬佢好似争佢钱咁。对比对面马路荣记或者街尾天马茶餐厅嘅服务态度真系相差十万倍。可能佢喺慈云山几十年，完全唔担心冇客，可以将客人当仇人看待。只可以讲呢一世都唔会再帮衬佢。