影片
更多
2023-06-01
37 浏览
中环前排开咗间主打低温慢炸猪扒嘅餐厅，前排终于有机会同朋友一齐试下。我哋大约8点去到，之前已经预订咗座位，唔洗等就入得座。餐厅装修以木系为主，环境舒适写意，座位舒服。餐厅提供咗十多款嘅定食套餐。每款套餐都提供咗前菜、面豉汤、沙律同饭。另外我地都加钱试试佢哋嘅京野菜。坐低店员会逢上热茶同热毛巾。🔻 シーフード膳 （Seafood Set) $600▫️沙律新鲜嘅沙律菜有薯仔蓉、萝卜、西兰花等，种类繁多。再配上餐厅特制嘅红萝卜洋葱酱，味道更fresh。上炸物前店员会先上几款调味料：黑松露盐，芝士盐，岩盐，七味粉同柠檬。酱汁方面有猪扒酱，芥末酱同他他酱。店员会建议食猪扒时先点点芥末酱再畊猪扒酱汁。套餐有味噌汤，椰菜丝，饭方面可以选择白饭或十六谷米。▫️炸物万众其待嘅炸物拼盘！分别有猪扒、猪柳、 肉丸、蟹拑、虾同生蚝，十分丰富。餐厅嘅炸物外层做得非常松脆，薄薄嘅白色炸粉但唔会有油腻嘅感觉。炸猪扒肉味浓厚，肥瘦均衡，由于用上咗低温炸法，肉质更会呈微微嘅粉红色。猪柳肉质较结实，味道较重猪味，面头更有少少味粉作调味。佢地嘅炸海鲜都非常出色，生蚝味道鲜嫩，而蟹肉食落鲜甜。🔻 ヘルシー膳（Healthy S
我哋大约8点去到，之前已经预订咗座位，唔洗等就入得座。餐厅装修以木系为主，环境舒适写意，座位舒服。
餐厅提供咗十多款嘅定食套餐。每款套餐都提供咗前菜、面豉汤、沙律同饭。另外我地都加钱试试佢哋嘅京野菜。
坐低店员会逢上热茶同热毛巾。
🔻 シーフード膳 （Seafood Set) $600
▫️沙律
新鲜嘅沙律菜有薯仔蓉、萝卜、西兰花等，种类繁多。再配上餐厅特制嘅红萝卜洋葱酱，味道更fresh。
上炸物前店员会先上几款调味料：黑松露盐，芝士盐，岩盐，七味粉同柠檬。酱汁方面有猪扒酱，芥末酱同他他酱。店员会建议食猪扒时先点点芥末酱再畊猪扒酱汁。
套餐有味噌汤，椰菜丝，饭方面可以选择白饭或十六谷米。
▫️炸物
万众其待嘅炸物拼盘！分别有猪扒、猪柳、 肉丸、蟹拑、虾同生蚝，十分丰富。餐厅嘅炸物外层做得非常松脆，薄薄嘅白色炸粉但唔会有油腻嘅感觉。炸猪扒肉味浓厚，肥瘦均衡，由于用上咗低温炸法，肉质更会呈微微嘅粉红色。猪柳肉质较结实，味道较重猪味，面头更有少少味粉作调味。佢地嘅炸海鲜都非常出色，生蚝味道鲜嫩，而蟹肉食落鲜甜。
🔻 ヘルシー膳（Healthy Set) $500
▫️高汤啫喱蕃茄
鲜甜嘅蕃茄配上用高汤制成嘅啫喱，味道不错。
▫️京野菜+$60
京野茶即是选取来自京都认证的蔬菜，有蕃薯、萝卜、南瓜等。再配上用慢火暖住嘅牛奶味噌酱，味道creamy同时有浓浓嘅味噌味道，十分美味。
▫️炸物
朋友叫呢个套餐比较健康，炸物方面除咗有猪柳同鸡肉，仲有几款蔬菜。炸鸡同一般坊间食到嘅大不同，鸡肉类似鸡胸部位，但肉质非常嫩滑，一啲都唔鞋口！而蔬菜方面有茄子同露荀，两款都保持到蔬菜嘅鲜味，店员建议我地可以点点几款盐作调味，个人觉得黑松露盐最配搭到蔬菜炸物。
张贴
