Tiramisu’ Lab (已結業)

宜家开左两间门市，一间系 K11 Musea，另一间系上环。小店由意大利名厨Ermanno Lelli 开设，用上自己系意大利的家传秘方👨‍👩‍👦以及100%选用意大利食材，为大家带来最正宗的意大利Tiramisu的口味🇮🇹除左最传统的原味之外，佢地都推出左好多创意口味，今次我地就试左原味、抹茶、开心果三款😍佢有两款size，Mono Misu单人米苏用正方形盒仔装住，另一个系Family Misu，就适合一家人或者用几个朋友开Party一齐食。如果想买原个蛋糕都可以上网订。先试左原味的Tiramisu，质感好滑好creamy，咖啡酒浸住底既手指饼，食落都好湿润，味道都唔会太甜，都几岩我口味😍份量几好，自己一个人慢慢享受都唔会太邪恶。开心果味Tiramisu面头就会多左啲果仁碎，食落就更有口感💚抹茶味Tiramisu味道系最浓郁既，食到有抹茶既茶香味，又未至于苦涩，真系恰到好处！🔸1960" Classic$48🔸Matcha Misu'$52🔸Pistachio Misu'$56📍#Tiramisu’ Lab (#尖沙咀美食)(#上环美食)尖沙咀K11 MuseaB2楼Kiosk L