影片
更多
2011-10-19
446 浏览
铺饼干隐久唔久就会发作一下，又唔想买超市机整饼干，但又懒得自己落手落脚焗，就四周围揾下 d 自家制 ge 小铺头睇下有冇 d 有 heart 味道饼干。咁o岩上网睇到有间座落铜锣湾区 ge 小铺头做团购，就拿拿林用 $75 蚊买左 $150 优惠劵买下饼治下 d 饼隐。好似楼下食评咁讲，间野都 ok 难揾，去到果条街都要打打电话问下位置，原来o系座大厦入面再直行先见到，平时根本冇可能会行入去，条街已经静，仲要咁偏僻，唔怪得要做下团购吸客喇。虽然间铺咁隔摄，但装修外观唔马夫，简简单单木门木柜暖色灯光打造出温馨小店 ge 感觉，不过今日去成间铺头都放满左纸箱，应该系 d 铁盒o岩o岩落完货喇。店四周木柜都放满饼干铁盒，但都系用同一个铁盒，虽然有牌仔写住，但都几难分边样打边样。一眼望落去仲有十几盒月饼放著，推断此店中秋应该有自己制月饼喇。一入间口，店员就好详细介绍店内饼类，有大大小小玻璃罐唔同味道 ge 试食饼干。试左最受欢迎 ge 粟米片脆饼、朱古力脆米、腰果酥同蝴蝶酥。 玉米片脆饼：食落似薯片，但稍微硬身同味道唔够，讲唔出甜定咸，带点油份；朱古力脆米：店员话系用黑朱古力整成，食落好松好松
好似楼下食评咁讲，间野都 ok 难揾，去到果条街都要打打电话问下位置，原来o系座大厦入面再直行先见到，平时根本冇可能会行入去，条街已经静，仲要咁偏僻，唔怪得要做下团购吸客喇。虽然间铺咁隔摄，但装修外观唔马夫，简简单单木门木柜暖色灯光打造出温馨小店 ge 感觉，不过今日去成间铺头都放满左纸箱，应该系 d 铁盒o岩o岩落完货喇。店四周木柜都放满饼干铁盒，但都系用同一个铁盒，虽然有牌仔写住，但都几难分边样打边样。一眼望落去仲有十几盒月饼放著，推断此店中秋应该有自己制月饼喇。
一入间口，店员就好详细介绍店内饼类，有大大小小玻璃罐唔同味道 ge 试食饼干。试左最受欢迎 ge 粟米片脆饼、朱古力脆米、腰果酥同蝴蝶酥。
玉米片脆饼：食落似薯片，但稍微硬身同味道唔够，讲唔出甜定咸，带点油份；
朱古力脆米：店员话系用黑朱古力整成，食落好松好松化唔似食饼干，味道带苦但朱古力味唔太够；
腰果酥：食落香口，腰果清脆香甜兼冇油益味，酥饼部份松化带少少咸味，唯美中不足系颗粒较多，咬到咯咯声；
蝴蝶酥：亦算香口够干身够脆，但牛油味不足，甜度亦差一点。
可见此店出品 ge 饼干较健康，虽然油份少但大部份甜度不足。
最后决定左买一盒小铁盒装 ge 蝴蝶酥 ($68) 同一盒大铁盒装 ge 腰果酥+合桃酥 ($138) 回家慢慢品尝。每个铁盒上都有铺名 logo 同名称，送礼用简简单单都算大方得体。
小铁盒蝴蝶酥铁盒比手掌再要细小小，入面大慨有 12 块蝴蝶酥，用密实袋入住，但我一拎出泥个密实袋开左口喔，好彩入面冇乜受潮但碎左唔少。如同上面试食一样，够香口够脆身，但真系唔多够甜味同牛油香，不过应该较为健康喇。但 $68 得十二块，差唔多 $5.5 一块咁就真系试下就算喇。
大铁盒腰果酥+合桃酥铁盒差唔多有半张 A4纸大，每种味大慨有 30-40 粒，一蚊银细少少咁大粒，包装唔系用密实袋入，食完要自己揾密实盒入，有少少麻烦。腰果酥味道如上，合桃酥比腰果酥稍稍逊色，合桃唔够咬口，冇腰果酥香脆，同样以盐粒吊味但颗粒较多，咬到咯咯声。
原价 $ 206，折实价 $131。 讲真，咁 ge 价位其实唔多抵食，食完亦冇 encore 感觉。要 o系偏僻隔摄铺头立足，虽然店员够 nice 环境温馨，但地点食物一般，真系要加把劲喇，香港 homemade cookies 加油！p.s 店员话下次光临拎番个铁盒去可以当 $3 用，环保嘛
张贴
