鮨吟月

营业中

休息中

Lemon 师傅曾经喺香港《志魂》做咗多年，然后又喺内地《紫檀》和《琥珀》工作数年，最近佢创立咗自己嘅鮨店《鮨吟月》，随即引起一众omakase爱好者嘅关注。最近同事荣休，我哋几个相熟嘅同事就打算同佢庆祝荣休。上网睇天后开咗一间新嘅omakase 店，然后再睇返资料就见到lemon师傅来头唔少，所以就决定去试吓。我哋准时去到，入到去个环境真系好舒服，感觉上佢嘅服务亦都好。坐低咗之后，师傅亦都问我哋有冇乜嘢唔食，我同朋友乜嘢都食，所以食乜都冇所谓，一切交由师傅决定。佢啲寿司劲出色，啲鱼生真系无得弹。因为系劲新鲜、劲甜美，加上师傅嘅手势好，切到厚薄适中，真系好正。而佢嘅寿司饭，醋嘅比例恰当好处，食落好舒服。总括嚟讲，呢到环境舒服，师傅亦都好专业，所以我都打算下次再带老婆黎试下师傅既手势。